Cyflwyniad i Gynllunio Iaith


Dyddiad: 31 Ionawr
Lleoliad: Swyddfa Iaith, Bae Colwyn
Hyfforddwr: Dr Kathryn Jones
Tâl: £155 + TAW / £125 + TAW i aelodau IAITH
Amser: 9:30 am - 16:30 pm

Nod

Bwriad y cwrs yw rhoi cyfle i bobl sy’n gweithio gyda’r Gymraeg i ymgyfarwyddo â phrif egwyddorion y maes Polisi a Chynllunio Iaith (P&CI) a pherthnasu hynny i’w maes gwaith eu hunain.

Cynnwys:

Bydd y cwrs yn cynnwys cyfres o gyflwyniadau a gweithgareddau gweithdy ar yr agweddau canlynol:

  • Diffiniadau: Beth yw iaith? Beth yw diwylliant?
  • Iaith, tiriogaeth a rhwydweithiau cymdeithasol
  • Iaith a grym - hawliau a chydraddoldeb
  • Cysgod hanes
  • Deall y profiad dwyieithog
  • Beth yw polisi a chynllunio iaith?
  • Olrhain y gwreiddiau
  • Rhai egwyddorion a modelau
  • P&CI yng Nghymru
  • Iaith a newid cymdeithasol
  • Newid ymddygiad ieithyddol

Paratoir pecyn hyfforddi ar sail yr wybodaeth a gyflwynir, ynghyd â llyfryddiaeth bwrpasol.

Gosodir aseiniad darllen a myfyrio ar ddiwedd Diwrnod 1 ar gyfer Diwrnod 2 i’r rhai sydd am fynychu’r ail ddiwrnod yn ogystal.

Cyfrwng

Cymraeg fydd iaith yr hyfforddi.

Hyfforddwr

Kathryn Jones yw Cyfarwyddwr Polisi ac Ymchwil IAITH. P&CI ac arferion iaith oedd maes doethuriaeth Kathryn. Mae’n hyfforddwr profiadol, gyda thros 20 mlynedd o brofiad yn darparu nifer o gyrsiau academaidd a datblygiad proffesiynol mewn P&CI yng Nghymru a thu hwnt. Mae’n dysgu tystysgrif ôl-radd P&CI ym Mhrifysgol Cymru Y Drindod Dewi Sant.