Staff IAITH
Bwrdd Staff Iaith
Ymunodd Buddug â IAITH yn 2018 fel Cyfarwyddwr Addysg ac Ymchwil y cwmni. Mae ganddi dros ugain mlynedd o brofiad yn y sector addysg, mewn ysgolion uwchradd, addysg bellach ac addysg uwch. Cwblhaodd ddoethuriaeth ym Mhrifysgol Bangor ar Batrymau Defnydd Iaith disgyblion CA2 a CA3. Astudiaeth ethnograffaidd ydoedd, yn tynnu ar ddamcaniaethau cynllunio a pholisi ieithyddol, ieithyddiaeth, cymdeithaseg ac addysg. Ers ymuno gyda IAITH mae wedi gweithio ar ystod o brosiectau ym meysydd plant a theuluoedd, addysg llythrennedd a’r Gymraeg fel pwnc.
Ymunodd Osian â IAITH yn 2023 ar ôl bod yn darlithio daearyddiaeth ddynol. Cwblhaodd ei ddoethuriaeth ym Mhrifysgol Aberystwyth ar bolisi iaith ymddygiadol. Yn ogystal, mae’n ymddiddori ym materion polisi cyhoeddus, lles a chyfiawnder cymdeithasol, a’r amgylchedd. Mae ganddo brofiad o arwain ar y Gymraeg yn strategol o fewn sefydliadau, ynghyd â phrofiad o reoli, cyflawni, a chyfathrebu deilliannau ymchwil ar brosiectau wedi’u hariannu gan gyrff megis UKRI, NERC, y Coleg Cymraeg Cenedlaethol, a Chronfa Goffa Saunders Lewis. Y tu hwnt i’r gwaith, mae Osian yn seiclwr brwd ac weithiau yn mwynhau cefnogi Cymru o’r Canton.
Iolo yw Rheolwr Prosiectau ac Ymchwil IAITH. Fe ymunodd â’r tîm yn 2022, a chyfrannu at waith ymchwil y cwmni y gwna yn bennaf gan estyn llaw ag agweddau eraill ar waith IAITH o bryd i’w gilydd. Yn rheolwr i’r cwmni mae Iolo yn tynnu ar ei gefndir ym meysydd ieithyddiaeth gymdeithasol a newyddiaduraeth wleidyddol wrth gyflawni ei waith. Mae ei ddiddordebau yn eang ac yn ei amser hamdden mae’n hoff o sgwennu, dysgu ieithoedd a darllen am faterion cyfoes.
Daeth Kathryn at y cwmni yn 1999 wedi cwblhau doethuriaeth mewn cymdeithaseg iaith ym Mhrifysgol Caerhirfryn a gweithio yn Llundain, Paris, Tanzania a China yn y maes iaith. Bu Kathryn yn arwain ein huned polisi ac ymchwil tan 2016 pan gymerodd at awenau'r cwmni cyfan. Ers 2025 mae hi'n cyfrannu at waith y cwmni yn Ymgynghorydd Arbennig.
Mae’n mwynhau pontio gwaith darlithio, arholi ac ymchwil academaidd gydag astudiaethau a phrosiectau ymarferol sy’n dylanwadu ar bolisi cyhoeddus, cydymffurfiaeth â safonau iaith neu defnydd cymunedol o’r Gymraeg. Mae'n aelod o BAAL, yn gymrawd Cymdeithas Ddysgedig Cymru ac yn arwain partneriaethau rhyngwladol y cwmni.
Ymgynghorwyr cysylltiol annibynnol
Ymunodd Steve gyda'r cwmni yn 2001 yn dilyn gyrfa mewn llywodraeth leol fel Pen Gyfieithydd a Swyddog Iaith gyda chynghorau Arfon a Chonwy. Bu'n o sylfaenwyr Rhwydiaith, yn Is-Gadeirydd Cymdeithas Cyfieithwyr Cymru ac mae'n un o'r arbenigwyr pennaf ar faterion iaith corfforaethol. Dyfarnwyd gradd doethur er anrhydedd i Steve yn 2014 gan y Brifysgol Agored ac enillodd ddoethuriaeth gan Brifysgol Caerdydd yn 2015. Gweithredodd Steve fel Cyfarwyddwr Cynllunio Iaith Corfforaethol IAITH tan ei ymddeoliad yn 2016. Ers hynny mae Steve yn parhau i weithredu fel Ymgynghorydd Cysylltiol i IAITH.
Cymerodd Gareth at awenau'r cwmni yn 1997. Dan ei arweiniad mae'r cwmni wedi cynnal a datblygu ei statws fel arloeswyr amlycaf y maes polisi a chynllunio iaith yng Nghymru. Cynllunio iaith cymunedol yw ei ddiddordeb pennaf ond mae hefyd yn meddu ar brofiad helaeth o gynllunio iaith corfforaethol, cyumdeithasoli iaith a hyfforddiant ymwybyddiaeth iaith. Mae wedi cyhoeddi nifer o adroddiadau i Lywodraeth a chyrff canolog dros y blynyddoedd ac ef yw awdur adroddiad Y Gynhadledd Fawr (2013).
Mae Meirion yn un o gynllunwyr iaith amlycaf Cymru. Bu'n Gyfarwyddwr Addysg a Phrif Weithredwr Bwrdd yr Iaith Gymraeg tan 2012. Ers hynny bu'n gyfrifol am gynnal y rhwydwaith Ewropeaidd NPLD tan 2017. Mae'n gweithredu bellach fel ymgynghorydd annibynol dan yr enw LinguaNi ac yn cydweithio'n gyson gyda thîm IAITH.
Mae Colin yn un o gynllunwyr iaith amlycaf Cymru. Mae bellach wedi ymddeol o yrfa academaidd lwyddiannus mewn nifer o sefydliadau addysg uwch. Yn y blynyddoedd diweddar bu'n arwain gwaith polisi a chynllunio iaith Prifysgol Caerdydd. Mae wedi cyhoeddi'n helaeth ac yn uchel ei barch ar lefel rhyngwladol. Mae'n fraint i'w gael yn rhan o dîm IAITH.