Her fawr Addysg Gymraeg!

Eisteddfod Genedlaethol - Cymdeithasau 2
11:30 am - 12:15 pm, 08 Awst 2024


Her fawr Addysg Gymraeg! Sut fydd y De-ddwyrain yn cyfrannu at y targed o filiwn o siaradwyr Cymraeg erbyn 2050?

Bydd Meirion Prys Jones yn cadeirio trafodaeth am yr heriau ym maes Addysg Gymraeg yn y De- ddwyrain.

Bydd y sesiwn hwn yn trafod beth sy’n cael ei wneud ar hyn o bryd a beth arall sydd angen ei wneud i ddatblygu addysg Gymraeg  ymhellach yn rhanbarth De-ddwyrain Cymru er mwyn darparu cyfleodd addysg Gymraeg i bawb o bob cefndir. Bydd aelodau’r panel yn cynnwys unigolion sydd yn gweithio yn uniongyrchol ym meysydd cynllunio polisi a hyrwyddo darpariaeth addysg Gymraeg yn ogystal ag unigolion sydd yn gweithio gyda dysgwyr a theuluoedd wrth ddarparu addysg Gymraeg.

Bydd y sesiwn yn gyfle i drafod  materion megis:

  • y camau sydd yn angenrheidiol i sicrhau twf pellach,
  • addysg Anghenion Dysgu Ychwanegol cyfrwng Cymraeg,
  • hyrwyddo addysg cyfrwng Cymraeg gyda grwpiau o gefndiroedd amrywiol, a’r
  • system o gategoreiddio ysgolion a darparu addysg cyfrwng Cymraeg.

Mae Meirion Prys Jones yn Ymgynghorydd Cysylltiol gyda IAITH ac yn gyn Brif Weithredwr Bwrdd yr Iaith Gymraeg.